Йăлана кĕнĕ тăрăх, шкулта кашни çулах Чăваш чĕлхи эрни иртет. Ачасем çак уява хапăлласах йышăнаççĕ. Эрне чăваш диктанчĕ çырнипе пуçланчĕ, унта 21 ача хутшăнчĕ. Çавăн пекех 7-мĕш класра «И.Я.Яковлев пултарулăхне пĕлетĕр-и?» урок-викторина иртрĕ. Ачасем тĕрлĕ ыйтусем çине хуравларĕç. Хĕрÿ ăмăртура Рыжова В. 1-мĕш вырăн йышăнчĕ, Ласкова А. - 2-мĕш вырăн, 3-мĕш вырăна Ефимов Н. тивĕçрĕ. Маттурсем!